Lakshya-i Lin Dan aoksadaktsü; Sai, Verma quarter tongogo

Auckland, Monupii (May) 4 (Agencies): India nunger lanur asayar Lakshya Sen-i Auckland Open Badmointon Championship nung asayar tejen Lin Dan aoksadaktsüogo, saka pai iba asaya makok.
Olympic nung anaben tashi takok ngur alisang Dan den asayaba mapang nung arishi küm 17 tain Lakshya-i kangajunga asayaogo aser pai mezüngbuba game bo kokteta liasü. Ajisüaka Dan-i iba asaya 15-21 21-15 21-12 agi kokogo. Tena tsüngda ghonda ka ser minute tenet asayaa liasü.
“Badminton asayar tejen Lin Dan den kanga jangratema asayaogo.. Ni kü tajungtiba asayaogo, saka ni ano talangka aotsü anüngdaka lir ta angatetogo. Ni Prakash Padukone Badminton Academy, OGQ, SAI nungi coach temi kü nem teyari agütsüba atema parnok tenüng sangner,” ta asaya tembangba sülen Lakshya-i tweet asü.
Kasa asayamung tebur kija asaya nung B Sai Praneeth aser Sameer Verma pei tata asaya koka quarterfinal-i iogo. Sai Praneeth-i 21-18 21-7 agi Malaysia nunger asayar Darren Liew akok aser Sameer Verma Hong Kong nung asayar Cheuk Yiu Lee madak 21-17 21-19 agi takok nguogo.
India nunger tebur kija asayartem rongnungi Ajay Jayram-i Korea nunger Kwang Hee Heo 21-15 20-22 6-21 agi mekoki asayamung nungi tuguogo.
Sai Praneeth taruba asaya Sri Lanka nunger Niluka Karunaratne den asayatsü aser Verma, Lin Dan den asayatsü. Tebur tarep asayar Manu Attri aser B Sumeeth Reddy nati Thailand nunger tarep Pakin Kuna-Anuvit aser Natthapat Trinkajee na 21-9 21-12 agi koka quarter final tongtetogo.
Ajisüaka tetsür tarep asayar Meghana Jakkampudi aser S Ram Poorvisha nati Indonesia tsür Della Destiara Haris aser Rizki Amelia Pradipta na 5-21 6-21 agi mekoki asayamung nungi tuguogo.
Maneni India nunger tarep temeyoktep asayar Shivam Sharma-Poorvisha aser Rohan Kapoor-Kuhoo Garg nata tanabuba round nung Malaysia nunger Peng Soon Chan aser Liu Ying Goh nati 16-21 14-21 agi kokogo. Kasa asayamung nung Kuhoo aser Rohan na 11-21 11-21 Thailand nunger asayar Dechapol Puavaranukroh aser Sapsiree Taerattanachai nati tsükdaktsüogo.