Lakshya World Junior Badminton semis-i iogo

New Delhi, Yimpoksüi/November 17 (Agencies): Markham (Canada) nung tang tasayadak Li Ning BWF World Junior Badminton Championships 2018 nung Rogonü aonung India nunger asayar Lakshya Sen-i 21-8, 21-18 agi Malaysia nunger asayar Aidil Sholeh Ali Sadikin koka tebur kija semifinals asaya tongtetogo.
Ajisüaka, India nunger tarep Vishnu Vardhan Panjala aser Srikrishna Sai Podile na Korea nunger asayar Tae Yang Shin aser Chan Wang nati quarterfinals nung tsükdaktsüogo. Korea nunger tarep yagi 21-11, 21-8 agi India nunger tarep koka liasü.
Tebur kija asaya nung Lakshya-i kanga junga asayaa tenzük aser asaya minute 31buba nung kokadok. Mezüngbuba game nung pa kanga agi tejakdang sür asaya aser pai asaya ayong ayonga akok.
Tanabuba game nung Malaysia nungeri asayari kanga junga asaya aser tena point ishika agi dang pila asaya. Ajisüaka Asian Juniors champion Lakshya-i tajungba asayateta pai asaya akok.
Semifinals, nung Lakshya Kunlavut Vitidsarn den asayatsü shibai Indonesia nunger asayar Alberto Alvin Yulianto 21-14, 21-17 agi kokogo.
Semifinal asayatsü aliba indang jembidang Lakshya-i ashiba agi, pai Thai nungba den ya kanga junga asayatettsü ta temulung lema bilemer. “Pa kanga dang asayar tajung ka lir aser aji ni meteta lir. Pa akoktsü asoshi ni kanga junga asayatsüla. Ni pa den asayatsü renema lir,” ta Lakshya-i ashi.