Lal Bahadur Shastri sür küm 50 ajunger

New Delhi, January 9 (Agencies): India nung Jawaharlal Nehru sülen 1964 June ita nung tanabuba Ato Kilonser akümsang asür Lal Bahadur Shastri ya Pakistan Tir Ayub Khan den tezüngzüktep ka nung sign süteper tatsüka dang lirbo süadok. Iba tezüngzüktep nung sign asüba mapang Soviet Ato Kilonser Alexei Kosygin kuli amai liasü.
January 11 nü pa sür küm 50 ajungba mung amungtsü.
Shastri ya koma sür asüar tang tashi mejangjateti lir. Pa Tashkent nung India mapang, anepdang 2:02 ako nung asü.
September 26, 2015 nung tang anünga aliba Lal Bahadur Shastri’er jabasotem rongnung tambusang aser Congress lenir tejen Anil Shastri TV channel ka den interview agiba mapang tebu asüba kanga telungi ia bushisüngdangtsüla, ta ashi. Tamalen teno Sunil-ia, union home minister dangi tebu asüba indang file nüburtem nem metetdakjang, ta shidi ka yokogo.