Lal Thanhawla-i ‘Magnetic Mizoram Roadshow’ tenzüktsü

Aizawl, Tsüklai 10 (Agencies): Mizoram Chief Minister Lal Thanhawla-i ‘Magnetic Mizoram Roadshow’ tenzüktsü aser iba mapang pai state nung aliba (unique selling proposition) USPs indang osang metetdaktsüba den Mizoram state tobur ajungba indang ashi.
Iba roadshow ya Mizoram indang tali metetdaktsütsü aser tangartem atsür arutsü atema alizüng yur tenzük aser ano taküm Rongchii ita Aizawl nung agitsü aliba ‘Magnetic Mizoram Summit’ atema lenmang lapoktsür ka ama lir.
“Iba summit ajanga tesentaktep yur mapa inyakba indang putu tasen ka lapoktsütsü. Iba summit ajanga investments dang masü saka skills aser sector balala nung advanced production & technology asoshi lenmangtem lapoktsütsü” ta Lal Thanhawla-i ashi.
India nung shishilembar mongintem den pai sensaksemba atema pelaba ashidang Mizoram chief minister-i “hospitality industry nung tongti shilem agirtemi Mizoram tobur ajungba aser nübortem dak sasapela aliba ngua puatsü” ta metetdaktsü.