Lalbiakkima-i Olympic Champion Dusmatov kokogo

New Delhi, Aami (June) 9 (Agencies): India nunger boxer N Lalbiakkima-i (49kg) Olympic champion Hasanboy Dusmatov koka President’s Cup Tournament semifinals tongtetogo. Iba asayamung ya Astana, Kazakhstan nung tang tasayadak lir.
Manipur nungi asayar Lalbikkima-i 4-1 agi Dusmatov madak takok ngua pa indang career nung takok tulutiba nguogo aser medal ka angutsü jangjaogo. Dusmatov-i taoba küm World Championships nunga silver-medal kokteta lir.
Semifinal tongteter India nunger rongnung taoba world youth champion Sachin Siwach (52kg) densema lir. Pai Thailand nunger asayar Yurachai Wuttichai-i 4-1 agi koka semifinal tongtetogo.
Ajisüaka Devanshu Jaiswal quarterfinal asaya nung Uzbekistan nunger Melikuziyev Bektemir mekoki iba asayamung nungi tuguogo.