Lamkang Brothers-i 1 buba KSC Volleyball takok marok agizük

Champion team, Lamkang Brothers teloki takok marok amer agiba noksa ka yangi angur.

Dimapur, July 11 (TYO): Lamkang Brothers teloki Dimapur Ao Lanur Telungjem (DALT) madak final asaya koka 1 buba Kings Summer Challenge (KSC) volleyball asayamong takok marok tanü Honibar nü agizükogo.
Lamkang telok tanü points 25-16, 25-22, 25-21 ngua DALT madak ayong ayonga takok angu.
Lamkang teloki Unified Club, Bor Lengri aser DALT teloki Sporting Club, Tuli madak semifinal nung takok ngua final asayatsü jenjang ngua liasü.
Lamkang teloki takok marok aser kuli kaket den külemi, senpet sen 50,000 aser DALT teloki tanabuba jenjang marok aser kuli kaket den külemi, senpet sen 30,000 agizük.
Semifinal nung shilem agitsü jenjang anguba telok, Unified Club aser Sporting Club naprongla nem senpet sen 3000 agütsü.
Individual shilem nung Limatangit (DALT)-i Best Player; Amir (Lamkang)-i Best Spiker; Zaverpra Nyienu (RSU)-i Best Setter sempet angü aser New Chumukedima Village Youth (NCVY) teloki Best Disciplined team sempet agizük.
Asayamong shibangba sentong nung M/s Wapangienla Longkumer, Handloom & handicraft kibur, Aienla Anung Longkumer tongti tesemdanger liasü.
Limachuba (Sungratsu), Imkonglenden-i 1 buba jenjang indang senpet sen; S. Chuba Longkumer, Parliamentary Secretary, Veterinary & Animal Hubandry-i tanabuba jenjang indang senpet sen; Amenba Yaden, Parliamentary secretary, Industries & Commerce-i individul shilem indang sempet aser Kiran Sports, Dimapur-i takok marok tenlaba osang jangjaogo.