Lance Naik Koppad temang mejungi lir

New Delhi, February 10 (Agencies): Army indang Research and Referral hospital nung ‘frost bite’ agi timtema anepalur Lance Naik Hanumanthappa Koppad temang mejungi lir.
Siachen nung aliba Indian Army post ka rüjeb agi anenbangba sülen Lance Naik Koppad ya anogo pungunü tashi rüjeb agi anenbanga liasü. Anogo pungunü tashi pa rüjeb telunglen feet 35 ia -45°Celsius temperature nung anenbanga lia Hombarnü kümzük.
Pa temang nung shilem aika mapa meinyaki kangshir aser temang kanga mejungi lir, ta Koppad anepaluba doctor temi ashi.
Karnataka nunger Lance Naik Koppad ya Mongulbarnep Siachen Glacier nungi New Delhi-i special air ambulance ka nung anir aru aser Research and Referral Hospital nung anepalur.
Iba lendong nung Indian Army züngsem 9 tashi taküm sama. Tang tashi nung sepai pungu tasümang nguogo aser mang pezübo jangjatetogo, ta Lt Gen D S Hooda, Northern Army Commander-i ashi.
Prime Minister Narendra Modi aser Army Chief General Dalbir Singh Suhag nati R&R hospital-i oa Lance Naik Koppad indang osang metetpelaogo.

You must be logged in to post a comment Login