Land Resources Dept-i Director den tepila sentong agitsü

Kohima, January 30 (TYO): January 31, 2019 nü Directorate of Land Resources nung Department of Land Resources-i mapa nungi anisüngzüker Director, Hoto Yeptho den tepila sentong ka agitsü, ta tanü ketdangsertem osang ka ajanga metetdaktsü.
Iba sentong nung Commissioner & Secretary, Land Resources, Y. Kikheto Sema, IAS aser Director tasenba, T. Renben Lotha nati o jembitsü; Deputy Director, Land Resources Puvil Kikhi-i sarasademtsü aser Neilhoukhoto Kuotsu-i sentong tembanga sarasademtsü.
Joint Director, Land Resources, Albert Ngullie-i tepela anküp o jembitsü aser Dziesekhrienuo Keretsu-i ken ka atentsü. Iba sentong ya Joint Director, Land Resources, A. Pangjung Jamir leniba nung agitsü, ta kasa osang ajanga metetdaktsü.