Land Rover-i 2020 Range Rover Evoque sangdongogo

Yimpoksüi/November 24 (Agencies): Kum ishika yongya ata arur sülen tang Land Rover-i 2020 Range Rover Evoque sayaogo aser gari terprangtsüji Velar indang model tilaba ama lir.
Gari nung slim LED head aser tail-light tasen keta aliba angutsü. Model tasenba indang design reprangdanga, taoba model den kasa alitsü saka gari interior tesademba asütsü aser aji Land Rover brand indang ‘mixed-metal Premium Transverse Architecture’ ajanga lir. Luggage takdangji shilem 6 agi tuluba aser tesademba asütsü.
Evoque cabin nung technology tem talisa optional twin touchscreen InControl Touch Pro Duo infotainment system, software system tasenba, 16-way seat controls aser cabin air ionization feature keta aliba angutsü.
Electric tsütsü nüngitsü asoshi Evoque nung 48-volt mild-hybrid powertrain aketba variant ka den külemi traditional four-cylinder gasoline engine variant sayaogo. Land Rover brand-i parnok gari nung ‘mild-hybrid powertrain’ inoka yangluba ya mezüng asütsü.
Nüngtugu Range Rover indang ‘command driving position’ nunga ‘ClearSight Rear View Mirror’ tasen ka upgrade sütsüogo koba ajanga HD video screen agi melener. Iba den külemi gari nungsa ‘ClearSight Ground View’ technology inoksema yanglutsüogo.