Langpangkong GB’s Union Tsükong Court Cum Community Hall lapok

Changtongya, August 3, 2018: August 3, 2018 anogo Wb. Imnatiba, Hon’able Advisor, Industries and Commerce & NIDC ajanga Langpangkong GB’S Union Tsükong Court cum Community Hall ki lapokja liasü. Langpangkong GB’s Union asoshi mera tasen aser jenjang tasen ka ajungketbaji iba Community Hall yangertetba ya ka lir. Ao lima Tzükong terok nung Tzükong Gaon Boras asoshi temeja Community Hall ka sütetba ya otsü tasen tenzüker.
Iba ki lapokba sentong nung jembidang Wb. Imnatibai ashiba agi Goan Boras-temji akhüm aketba lokti ka. Ibai British yimsüsüba mapang nungi benshia aruba yimya aser iba ajanga taoba asen lima tensa majungba mapang lendong aika nungi kümzüka aruogo aser nüburtem anisüngzüka ayepjanga mejangdaktsüba otsü jenti lir. Sürapang tanüa GBs-tem koba tangatetba jenjang ka nung nokdaka lir ta telok ayongzüka liasü.
Sentong nung temoatsü jazüka T.Aliba Imchen, Associate Pastor CTBA-i sarasadem aser Moakümzük Tzüdir, SDO (C ) Changtongya aser Imotemjen, Tatar Changtongya Kosasanger Putu ajanga tepela O jembia. Iba sentong nungsa Naromenla Jamir-i sangro azüng aser Akhoya Kiyim Lanutsür ajanga sobaliba ken aten. Tatem nung Imkongsowa, Head GB Changtongya Town ajanga melepzünga liasü.