Lanur ketdangsertemi Kma nung sentong tajung ka katsüogo

Dimapur, April 01 (TYO): March 30 nü C-Edge College, Dimapur nung Edge Study Circle Unit kübok “Competitive Exams and Career Planning” omen nung shisalemsatepba sentong ka agiogo.
Lanur ketdangsertem telok ka shisalen sayurtem liasü. Moa Sangtam (NCS) SDO Civil, Dimapur leniba nung Ajit Ranjan (IAS), Vishal Chauhan (IPS), Dr. C Zupeni Tsanglai (IFS), Yithachu Thur, (NCS) aser Imliwapang Aier, (NCS) nungeri shilem agia liasü.
Iba sentong nung parnoki taküm nung ajangshia arubatem aser competitive exams nung takok angutsü atema inyakba lemsatepa liasü.
Parnoki, nisung kati pa nükjidong atongtsü atema pei tejangraba aser peii akoktsütem jangjatsü nüngdaker, ta ashi.
Parnokisa nisung ka nükjidong atongtsü atema tongtibang jabitemji- temelungtetba tulu, pei dang melung alemba, mangdang ayuba aser meranga inyakbatem lir, ta ashi.
Wt. Limongi Khuvung Asst. Prof onir sür shisalemsatepba sentonga ka agia liasü.
Kasa sentong nungsa iba college nung tamalen azüngertem, Showuba Students’ Union aser Naga United Students’ Union nungia züngsem kar aden.
Dr. Chubatola Aier, Principal-ia lanur ketdangsertemi iba ama sentong tajung katsüba atema pelaba lemsatepa liasü.