Lanurtem nem Vermiculture Technology training agütsü

Dimapur, March 25, 2019: March 11 nungi March 16, 2019 tashi Padumpukhuri village aser Aoyimti na nungi Vermiculture Technology training agir lanurtem tangokba noksa nung angur. Department of Agronomy, NU: SASRD-i (SAMETI) Nagaland aser (MANAGE) Hyderabad na den ayongteper iba training ayongzüka katsüogo.

Dimapur, March 25 (TYO): Dept. of Agronomy, NU: SASRD-i State Agricultural Management & Training Institute (SAMETI) Nagaland aser National Institute of Agricultural Extension Management (MANAGE) Hyderabad na den ayongteper Padumpukhuri village nung March 11 nungi March 16, 2019 tashi Skill Training of Rural Youth (STRY) pur Vermiculture Technology training agiogo, ta Professor, Dept. of Agronomy NU:SASRD, Medziphema, Prof. L. Tongpang Longkumer-i tanü sangdong ka ajanga metetdaktsü.
Iba training nung Padumpukhuri village aser Aoyimti na nungi lanur 15 nem Vermiculture Technology training agütsüogo.
Training nung shilem agirtem dang mozü mamshii aluyimba (Organic farming) aser vermi-composting technology den organic farming dak sendakba tasa balala sayua liasü.
Yimtsüngtem nungi lanurtem nem vermiculture technology tesayuba agütsüba ajanga parnok sasa maparen tenzükdaktsütsü nükjidong nung iba training ayonga katsüogo.
Hopta ka piyong training nung lecture, demonstration, training aser practical exercises agi aser shisalen sayurji Prof. L. Tongpang Longkumer, Dept. of Agronomy, NU:SASRD, Medziphema liasü. Training tembangba sülen shilem agirtem nem certificates agütsüogo.