June 09, 2016 nü Heritage Kohima nung IndiBus tenzükba sentong nung Coordinator Music Task Force (MTF) Nagaland, Theja Meru (ajichilen mezüngbuba) aser lanur kentenertem külemi tangokba noksa ka angur.
Kohima, June 09 (TYO): Brihostibarnü Youth Resources & Sports Department kübok Music Task Force (MTF)-i yarisema IndiHut and Lifeinside-i IndiBus ka tenzükogo; iba ya state nung lanurtem aser kentenertem sempet ajungkettsütsü nükjidong nung tenzüker.
Pei ken original ajungkettsütsü aser lokti nung tebilemtsü onüktem- moko chiyungtsütem, tetsürtem aser tanurtem temeten balala aser election temerük onük nung shisa lemsateptsü nükjidong nung asüng IndiBus nung Naga nunger artist 20 shi mener Kohima nung shisaliok rejutem sema senzütsü, aser Hombarnü Dimapur nung shisaliok rejutem sema senzütsü.
Tanü IndiBus tenzükba sentong nung Coordinator Music Task Force Nagaland, Theja Meru-a densema liasü.
Lanurtem sempet ajungkettsütsü atema IndiBus tenzükogo added by asungba on
View all posts by asungba →
You must be logged in to post a comment Login