Lara Dutta kinungbo maliba tanur tetsü ka shilem agitsü

Mumbai, March 22 (Agencies): Actress Lara Dutta Bhupathi lai produce asüba film tanabuba nung kinungbo maliba tetsü ka ama shilem agitsü.
La iba film nung Vinay Pathak den tanaben külemi shilem agitsü. Bheegi Basanti Entertainment ya Lara- lapokba company lir aser iba company kübo mezüngbuba film nunga Vinay Pathak-i shilem agia liasü.
National Award anguba director Sushil Rajpal lenisüba kübok iba film yanglutsü.
Iba film nung kinungbo maliba NRI tetsü ka India ajunga sema la jabaso tebu bushia senzüba otsü ka lir.
“Onoki ‘Chalo Dilli’ mesükba otsü ka bushia liasü aser tatembang nung Sushil Rajpal ket nungi otsü ka ngutetogo. Nüburtem peladaktsütsü asoshi otsü tajung bushia yanglutsüji kanga jangratemtsü ka lir,” ta Lara-i ashi.
Vinay Pathak indang jembidang Lara-i ashiba agi, “pa ya kanga dang actor aser co-actor tajung ka lir. Pa den külemi shilem agitsüji kanga jangratemtsaüka lir.”
Iba film June ita sayatsü asoshi renema lir.