Larkana rong lendong nung 5 asü;13 mangur

Larkana, February 11 (Agencies) : Tetsür aser tanur tem dena, Muslim yimsü kanga akanga amangertem parnok nisung 30 dak tema mena aliba rong ka Larkana anasa Dokri tesem nung aliba Indus ayong nung meküpokdang nisung pungu asü aser parnok nisung 16 tekümzükertemi kmzüka lir.
Osang ajanga ashiba agi, tang tashi nung nisung 13 bo mangur. Iba rong nung mena alirtem ya timba ka Naushahro Feroze aser Khairpur na nungi liasü aser parnok ya Pir Majban Shah nung nisung aremba tesem nung oa ‘Urs’ sentong ka nung dener arurba liasü.
Rong meküpokli tekümzükertem tesem tonga oa tzü nungi tasümang ka mezüng agitet. Iba sülen ammangba agi nisung bushiba sentong anena ata aser tananep nungi tanaben tenzük.
Sukkur nungi Pakistan Navy tema arua iba nisung bushiba mapa nung yaritepa liasü.