Lars Ulrich, Black Keys-i Hall Of Fame nung shilem agitsü

January 29, 2016: Rock & Roll Hall of Fame Induction Gala 2016 sentong nung thrash kentener telok ‘Metallica’ nung drummer, Lars Ulrich, Rob Thomas aser Black Keys teloktem tongti tesemdangertem asütsü.
April 08, 2016 aonung shilem agitsüpur item rock kentenertem ‘Rock & Roll Hall of Fame’ nung shimtsü asü masü’ar mejangja, saka taküm ‘Hall of Fame’ akhümket angutsüpurtem rongnung Chicago, Cheap Trick, Deep Purple, Steve Miller Band aser N.W.A teloktem densema lir.
2014 küm Hall of Fame nung shimtsü atema Metallica drummer Ulrich-i Deep Purple atema campaign ka tenzükja liasü.
“Ni politics mesüra ibala mesükba nung madentsü, saka ni ashitsü olong ana lir: (ibaji) Deep Purple,” ta Ulrich-i Rolling Stone magazine dang ashi.
Paisa, “Nisungtem, süoki ia ashir, Deep Purple. English oshi nung tongmelang olong ana,” ta ashi.