LASER AMSHIA TEPO NUNG AZü AYIMBA TAJEMBA ASER ANGOBA MAKAI TREATMENT TENZUKER

–      Dr.  Aola Imcha
    Perfect Smile Dental Care,
    City Tower, Dimapur

(yashi adok nungi)
#    Tebang mechi aser temeli amala nung komo (cold sore/ulcer) adokba Laser ajanga endoktsü akok.
#    Tebang sadema melapoktetbaji (Reduced mouth Opening) soft tissue ajanga lir. Anungji item ya Laser ajanga unhealthy tissue ajak endoktettsü.
#    Laser treatment amshia tanga kecha meraksaidang (side effect) tepo mesünga kümdaktsütsü akok.
#    Teponü (Gum) yimya agi temeremso (pink) alir, saka aiben gums tanak kümadokba ya melanin ajanga mesüra mozü kar amshiba ajanga adokdaktsür, iba ya Laser treatment ajanga endoktettsü.
#    Teponü (Gums) awakba ajanga tebang junga melapoktetba timtem, Laser treatment ajanga injection magütsüi aser azü malui dang junga anepaluteter.
#    Nisung ka tobur tajungba küma tepo size, sentsü aser tepo position shitak nung (alignment) Laser ajanga yanglushitsütsü akok.
#    Teponü (Gums), tebang telunglen aser temeli nung patches temesüng (Leukoplakia) Sali, moko achiba ajanga adokba ya Laser amshia endoktettsü.
#    Cancer tendangtsü (Biopsy) atema kotari amshia tebang nungi shi rangzükba ya Laser amshia kecha timetemi dang inyaktettsü.
#    Tepo anebalubaren nung anguba (pain) agi tsübua bilemer, saka Laser amshiba ajanga tangoba tajemba küma (reduce pain) inyaktettsü.
#    Photomodulation (PBM) Ibai Laser amshia inyakba therapy ka lir, koba agi tissue yanglushitettsü, anguba aser tawakba (inflammation) tajemba kümtsütsü.
Tekalen alibatem alaka ano leplusü, shi talila adokba ajak Laser amshia tashiba memeteti, azü malui aser infection mesüi endoktettsü akok. Saka tajung kaji tanga operation den jenjang kasa agi temulung lemteta iba amala mapa inyaktettsü.