LASER AMSHIA TEPO NUNG AZü AYIMBA TAJEMBA ASER ANGOBA MAKAI TREATMENT TENZüKER

–      Dr.  Aola Imcha
    Perfect Smile Dental Care,
    K. C. Complex below United Bank of India,
    City Tower, Dimapur

Lazers ajanga alima nung temelenshi tulu adokdaktsüogo aser Laser amshia Tepo (Dental) anepalutsü lenmang lapokogo. Iba Laser tenzükba ajanga tepo anebalubaren tajangzük lenmang aisü nung angutsü. Laser amshiba ajanga injection menüngdaker, azü mayimtsü, tashiba memetettsü aser artsü (stitches) menüngdaktsü. Iba treatment ajanga contamination tajemba alitsü aser aiben Dentist dangi aotsü menüngdaktsü. Laser treatment-i koba jaka nung kongshitsü tim idakji kongshiteter, aiben mozü menüngdaker aser yakta komoji jungadoker/aneper. Operation sülen awakba, anguba aser infection malitsü.
Laser treatment ajanga item tajangzük angutsü.
#    Laser amshia teponü surgery (Gum Surgery) agitsü akok: azü ayimba aser teponü (gum) awakbaji teponü infection temaitsü lir. Teponü nung infection aliba, Laser ajanga endoktettsü aser teponü (Gum) yanglushitettsü.
#    Tepo sensitive asübaji, Laser treatment ajanga tajemba (reduce) kümdaktsütsü akok.
#    Tepo ana tsüngta tapok: (Pocket elimination) tepo ana tsüngta teret maketba dang (Periodontal disease) ta ajar, iba amala tashidak nung Laser amshia anepalutsü kanga tajangzük lir. Laser ajanga nüngdak makaba tissue endoker aser timtema masü, saka jangratema aser jenjang tajemba agi yanglushitettsü.
#    Tepo (dental abscess) nung teintet nisung, tongtipangsa tanur dak (infection) aliba ajak injection magütsüi dang Dental Laser ajanga atsüteta endoktsü akok.
#    Tepo nung sendakba tashidak aliba ajanga aiben temeli (Tongue) atsüteta ayuba agi junga mejembitetba, Kotari aser injection mamshi aser azü malui dang Laser ajanga inyaktettsü.
#    Root canal treatment (RCT) ya kanga bulua agiba treatment lir. Iba treatment ya laser ajanga kanga junga agiteter. RCT agidang infection ajak endoktsür aser operation agir külen post infection kecha tepenja (complication) madokdaktsür.
(Maneni taruba adok nung)