Lashker-e-Taiba kiralongrar 20 jungnüa tepset: Indian Army

Baramulla/New Delhi, October 9 (Agencies) : Indian Army-i Line of Control (LoC) adena orr kiralongrar aitba tesemtem amakba sülen hopta ana majungdang, Indian army field units-i osang kar metetdaktsüogo aser iba nung parnoki Lashker-e-Taiba (LeT) nem takoksa bener arutsüba osang dena lir.
Indian army field units ajanga assessment report balala agütsüba nung LeT pur takok ajurubatem shia lir aser radio ajanga tongtepratep asüdang angazükba agi iba tatalokba nung LeT kiralongrar 20 shi tepset.
LeT pur takoksa tulutiba angubaji Pakistan-occupied-Kashmir nung aliba Dudniyal launch pad nung liasü ta assessment reports ajanga metetdaktsür.
Iba tesem nung aliba army division nungi telok 5 shimtet aser parnok dang Kail (Kel) aser Dudniyal nung aliba kiralongrar launch pads samatsütsü tetuyuba agütsü ta osang ajanga metetdaktsü.
September 28 aser 29 ayaterm nung Indian army-i LoC adena ai aser launch pads 4 makdok. Item tesemtemji LoC nungi metre 700 shi pilar aliba Pakistani post kati nüka liasü.
Indian army-i parnok amaktsü ta kiralongrartemi khenyongi meimlai liasü aser iba jagi parnok renema malidang amak, ta osang ajangasa ashi.
LeT kiralongrartem Pakistani post tsütsülen jena aoba angu aser idangji India sepaitemi parnok kahset, ta assessment reports nungsa shia lir.