Lasüng aser süngmok amala chiyongtsü achiba ajanga yimra nungi jenboa liang

Chiyongtsü shidak achiba ya sen aika mintoki yangluba health insurance policy ka lir. Nutrition temi yimra menatsü nungi mekümzüktettsü saka iba ajanga immune system tashi taitba kümdaktsütsü aser shirang takaraba anepdaktsütsü.
Antibiotic achiba dang nungibo yimra den raraba chiyongtsü achiba tajungba asütsü. Item chiyongtsütem achiba ajanga immune system tashi taitba akümtsü.
1. Vitamin C achiba ajanga immune system tashi taitba kümdaktsüba dang masü saka shirang menatsü nungi jenboa lidaktsür. Vitamin C aketba chiyongtsütem rongnung, naring, lozü, sweet lime, broccoli, jiru, cabbage, cauliflower aser shi densema lir.
2. Süngmok nung gingerol keta lir aser iba ajanga yimra menatsü nungi jenboa lidaktsür. Ginger tea mesera ginger juice den ninangmojitzü aser tzü talem jemang.
3. Lasüng achiba ajanga bacteria aser virus den raraba nung teyari agütsür. Anogoshia lasüng pezü mesera pongu tashi chiang.
4. Beta-carotene aika keta aliba chiyongtsü mesera vitamin A aketba chiyongtsü – carrots, mapu, shi, broccoli, spinach, apricots, mokori aser cherry achiba ajanga immune system tashi taitba kümdaktsür.
5. Zinc aketba chiyongtsü achiba ajanga immunity levels tajungba kümdaktsüba jangjaogo. Zinc aketba chiyongtsütem rongnung bajra, jowar, wheat bran, wheat germ, shellfish, peanuts, lentils, skimmed milk, peanuts, mapu tejang, watermelon tejang, spinach amala densema lir.
6. Radish achiba ajanga alok metzü tajemba kümdaktsür aser sinuses lapoktsür.