Later Rain Revival

~ N.Imo Longkümer.

Aor asoshi A, B, C, D angazükba ya Tsüngrem O ain liasü-a ta bilemer. Ibai angazükba ajanga Osangtajung molungzüng agi angazükba Tsüngrem O aser ken ajak tezüluba nung jangjaa metettsü atema school lapoka zülutsü aser azüngtsü angazükdaktsü nung ajak meteta aküm. Ao limai Khrista yimsü arur küm 146 tena süia aodang Tsüngremi Aor kechisarena ajak nung tekolak shilem agüja anir aru. Anungji mapang kabo Aor ji Naga nunger tenükjang ama lia aru. Saka tia majung tanübo tamangba yimsüji kanga latak-lataka angatet nung Aor temeteter, ochishir ta jembitsü taaktsüka aküm. Kechiaser tashishitsü mapa tamajung ajak Aori tenzüker.
Tensa mapang ka aru shia khuma mephia temenen menabaji Aor asütsü südi. Saka meimchiri temenen menara Tsüngremi ajioka ayur aser asen aolen ajak ajioka ayur. Yob 10:14, 33:10. Anungji kar dakbo jakdaka mapa inyaker. Meimchir apayuba yong Tsüngremi mapang-mapang shia Revival yoker, saka tangateter aphara aser Tsüngrem o anganer mali akümer.
Tang tesübuba tzünglu (Later Rain Revival) atema Tsüngrem chir lenirtemi nübur ayonger saka tesasatsüka tongpu apur lenir aika süadokogo. Joko tanishir anasemka dang anünga lir. Iba den 2018 küm ya Aor Pastor ana-asem tashi süogo, Pastor kinungtsü kar süogo. Ano tashidak agi menepba Pastortem lir. Ibai nübur tashi mangaba temenen yong asü ta bilemer. Pastortem asüba aser tashidak agi menepba ajanga Arogo tem shiranger. Yamaisa ataloka ora LATER RAIN melena LATER PAIN ang arudisü ta arendaker. Tesü tiaji tamajungba südisü ta. Tarendaktsü kaji tanbo khristan yimsü ya alima ajak nung mezüngmeshia rishikangshir.