Laureus World Sports Awards: Messi & Biles takoker rongnung densema lir

Berlin, Tsüklai/February 18 (Agencies): Hombarnü 2020 Laureus World Sports Awards sentong nung Barcelona captain Lionel Messi aser Formula One world champion Lewis Hamilton na nem World Sportsman of the Year award agütsüogo. Asayar anapronglai vote kasa anguba sülen iba naroküm tenaprongla nem agütsü.
Tetsürtem rongnungi United States gymnast Simone Biles-i World Sportswoman of the Year award taküm agi kümnabuba atonga agizükogo aser kasa mapang nung America nunger snowboarder Chloe Kim nem World Action Sportsperson of the Year agütsüogo. Pai iba award küm anabuba atonga agizükogo. Japan nung 2019 World Cup akokba sülen South Africa tebur rugby team nem World Team of the Year award agütsü.
Takok angurtem yanai alitsü:
* Sportsman: Lionel Messi & Lewis Hamilton
* Sportswoman: Simone Biles
* Comeback: Sophia Floersch
* Team: South Africa Men’s Rugby Team
* Sporting Moment: India Men’s Cricket Team
* Breakthrough: Egan Bernal
* Sportsperson with a Disability: Oksana Masters
* Action Sportsperson: Chloe Kim
* Academy Exceptional Achievement Award: Spanish Basketball Federation
* Sport for Good Award: South Bronx United
* Lifetime Achievement Award: Dirk Nowitzki
World Sportsman of the Year award agizüker rongnung Messi ya mezüngbuba football asaya lir. Barcelona captain-i 2019 küm Ballon d’Or trokbuba agizük aser pa indang career nung La Liga 10buba kokteta liasü.
Argentina nunger asayar ya iba award agizüki maru saka video ka ajanga tepela lemsatep. Berlin, Germany nung iba award agütsüba sentong nung Hamilton aden aser pa nem taoba Arsenal manager Arsene Wenger-i iba award agütsü. Arishi küm 35 tain asayar ya 2019 küm November ita Formula One world champion trokbenbuba aküm.
Tetsürtem rongnungi Biles-i la indang carer nung iba award asembenbuba agizük. Arishi küm 22 tain asayar ya October ita World Championships puti otsü nung gymnast tem rongnungi medal timtiba agizükba asayar küma puti otsü tasen yanglu.
Maneni 2019 Tour de France akoksang Egan Bernal nem World Breakthrough of the Year award agütsü. Colombian nunger rongnungi pai mezüng iba nüngtugu race koktetogo aser iba race koker alirtem rongnung pa tanobusang lir.Comeback of the Year award ya racing driver Sophia Floersch nem agütsü. Arishi küm 19 tain asayar ya taoba küm Macau Grand Prix nung gari tsükoka tongtiret yiruba sülen maneni meyipa arur asayadaki.
Team of the Year award asoshi Jurgen Klopp-i aniba UEFA Champions League winners Liverpool densema liasü saka South Africa tebur Rugby Team-i parnok ajatet.Award tem rongnung tongtibangtiba ka Dirk Nowitzki nem agütsü. Germany nunger basketball asayar nem ya Lifetime Achievement Award agütsü, koba taoba world heavyweight champion Wladimir Klitschko-i amokja liasü.