Lava-i India nung Ivory Pop tablet sayaogo

New Delhi, November 04 (Agencies) : Lava-i taruba putu indang tajangshiba agütsütsü nangzükba, parnok indang tablet tasen, Lava Ivory POP sayaogo. Quad-core Intel processor agi amshiba tablet ya tang mezüngsüa tablet amshirtem, kaketshirtem aser mobile nung games asayatsü jangrartem dak rangloker yanglu. Ivory Pop ajanga multi-media tsütsü nüngdakbatem ataloktsütsü Lava-i imlar.
Lava Ivory Pop nung ‘Dual Twisted Nematic’ technology keta aliba 7-inch HD display inokja lir. Iba tablet indang screen nung tesangwa tapu ajak nung kanga jangja angur aser telung nung 1.0 GHz quad-core processor den 1GB RAM aser 16GB memory inoka lir. 16GB ya 32 GB tashi ulushia amshitettsü.
Iba tablet Android 5.1 Lollipop agi mapa inyaker aser India nunger oshi 21 tashi amshitettsü. Ivory Pop tesülen 5MP aser tejaklen 3.2 MP camera tem lir. Tablet nung 3G, USB, Bluetooth aser GPS amshiteter.
Tablet sayaba sentong nung Lava International, Tablet & IT Products, tekolakba Raman Sharma-i, “Lava tablet tarensen nung Lava Ivory POP densemba ajanga onok oset alia amshirtem nem technology tsütsü tajangzük tajung agütsütsü,” ta ashi.
Lava Ivory Pop tablet ya sen 6,299 agi Lava national retail stores, multi-brand outlets aser online sabangtem nung talitsü angutsü.