Lava-i Lava X50 Plus’ smartphone sayaogo

New Delhi, December 22 (Agencies) : Brihostibarnü India nung handset yangluba company Lava-i linük nung sen 9,199 alang “Lava X50 Plus” smartphone sayaogo.
Iba smartphone nung 5.5-inch HD display, 1.3 GHz Quad-Core Processor, 2GB RAM aser 32GB ROM inokja lir. Phone nungsa sim card ana amshitettsü.
Iba sen jenjang alangba phone rongnung 32GB ROM keta aliba smartphone ji “Lava X50 Plus” ya tang lir. Ibaji ajanga 16 GB ROM dang nungi data asemsü agi timba inoka yuteter, ta company sangdong ka ajanga metetdaktsü.
Ano iba smartphone nung tanga phone tem dang nungi noklang nung shilem 45 agi tekaraba mobile application load süteter, ta sangdong nungsa shia lir.
4G-VoLTE smartphone nung ya tejaklen 8MP aser tesülen 5MP camera tem keta lir aser camera anaprong nung LED Flash keta lir.
Iba smartphone ya retail store tulu ajak nung küm ka warranty keter angutsü. Ano phone nung nüngdakba tanga osettem nung ita trok warranty alitsü.
“Lava X50 Plus” smartphone nung India nunger oshi 11 tashi amshitettsü aser ‘Transliterate Feature’ keta aliba ajanga tamshirtemi English oshi agi pei oshi aser pei oshi nungi English küma meyipzüktettsü.