Lava-i sen 10,750 alang ‘Pixel V2 smartphone’ sayaogo

New Delhi, September 07 (Agencies): Lava-i pixel tarensen nung smartphone tanabuba sayaogo aser Pixel V2 phone ya sen 10,750 agi ayoktsü.

Lava Pixel V2 smartphone nung inch 5 IPS HD display keta lir aser tarak madokdaktsü atema Dragontrail glass agi yanglu.

Phone nung 1.3GHz quad-core MediaTek processor den Mali-T720 GPU enokja lir.

Phone nungsa 2GB RAM den tenung nung 16GB memory lir koba 32GB tashi ulua kümtettsü.

“Tanü asüng lanurtemi tatalokba tajungtem menüngoka aser tangoka ayutsü kanga jangrar aser itemji medemertem den lemsatepner. Anungji ibaji parnoki aginüba ama amshitettsü asoshi onoki camera atema hardware & software tajungtiba enokja lir,” ta Lava International nung VP & Head Product tejen Navin Chawla-i metetdaktsüogo.

Lava Pixel V2 tejaklen 8-megapixel den 4P elements, 1.4-micron pixel size & f2.4 aperture den LED flash keta lir aser tesülen 13-megapixel 5 plastic elements aser 1.4-micron pixel size, f2.0 aperture den dual LED flash enoka lir.

Camera amshidang mapang komala nung tangokner yamaji adjust süa yur agitettsü.

4G LTE smartphone nung Star OS 2.0 enoka lir koba Android Lollipop 5.1 nung amena lir aser phone rangben nem 2500mAh battery ajanga tashi agütsür. Pixel V2 phone ya rüjep mesükba temesüng sentsü aser tanak sentsü nung retail store tem aser online ajanga September 15 nü nungi talitsü angutsü.