LBCD Christmas sentong agi

December 22, 2016 nü Lotha Baptist Church Diphupar ‘A” nung 44 buba Khristmas sentong agidang linük aser kin balala nungi züngsemtemi ken ka atenba noksa nung angur.

Dimapur, December 22 (TYO): Lotha Baptist Church Diphupar ‘A’ (LBCD) Christmas sentong tanü agiogo.
Christmas omen nung aliba ama Limhathung Lotha, Pastor LBCD ajanga “Putu tasen Tsüngrem” onük nung Tsüngrem o jembia liasü.
Sentong ayonger telok, Likhya züngsem aser tanga sentep nungi züngsem kar ajanga kin balala aser alima balala nungi Christmas salem agütsüba saya ka agi telok ayongzük aser ken ka tena liasü.
Church colony nung alirtemi temeja ken ka aten aser Nzanbeni Kithan ajanga temeshi lai azüng. Associate Pastor, Wopansao Ovung-i sentong ania liasü aser Deacon Rakomo Shitio-i tatem sarasatem agia liasü. Iba sentong temer Yisu asoba film sayua liasü.