LDLSA-i essay tetoktepba ayongzüka agi

Dimapur, July 22 (TYO): Longleng District Legal Services Authority (LDLSA)-i July 22, 2017 nü Vision Vale School Longleng nung essay tetoktepba ka ayongzüka agi.
Sentong nung Para Legal Volunteer Longleng front office, C. Imlichuba Phom-i ‘fundamental rights and duties and legal services’ indang onük jembidang, “schedule caste mesüra schedule tribe nungi nisung ka, nisung shibelenba nung takoksa angur, meshimetsür, tetsür mesüra tanur, mozü achir aser unrecognized sector nung inyakertemi free legal aid angutsü” ta metetdaktsü.
Maneni, “(Equal Opportunities, Protection of rights and Full Particpation) Act, 1995 nung ajemdaker matamabensartem, lendong tulu nung takoksa angur, telok o telok tsüngda rara nung takoksa ajurur, tzümetsüng, tzü akongba, menokok mesüra industrial lendong, industry nung mapa inyaker, protective home nung puoka alirtem, psychiatric hospital mesüra psychiatric nursing home nung alirtem, aser küm nung sen lakh ka dak teküpok angurtem ajaki legal service angati angutsü,” ta C. Imlichuba-isa metetdaktsü.
Sentong nung PLV Longleng Khatvang-i o tembang jembi aser Vision Vale school headmistress, Omei N. Phom-i essay tetoktepba ketdangsüa agi.
Essay ji ‘fundamental rights & duties’ onük nung zülu aser kaketshir 80 tashi shilem agia liasü. Iba tetoktepba nung tetendangerji Chief Judicial Magistrate & Secretary LDLSA, Tucano Vamuzo lir.