LDLSA, KDLSA-i otsüno tetoktepba ayonga agi

Kiphere/Longleng, November 04 (TYO): Kaketshirtem nem legal shisatsü agütsütsü nükjidong nung November 3, 2017 nü Kiphire District Legal Services Authority (KDLSA)-i ayongzüka Loyola Higher Secondary School, Kiphire nung ‘legal rights’ onük nung otzüno züluba tetoktepba ka agi aser iba tetoktepba nung Loyola Higher Secondary School, Saramati high school aser El Beth high school temi shilem agia liasü.
Item tetoktepba osangji November 9, 2017 nü legal services day program agidang metetdaktsütsü.
Ano October 30, 2017 nüa Longleng District Legal Services Authority (LDLSA)-i Good Shepherd School Longleng nung ‘legal rights’ onük nung otsüno zülutepba tetoktepba ka ayongzüka agia liasü aser iba tetoktepba nung class 8, 9 aser class 10 nungi kaketshir 43-i shilem agia liasü.
Iba teoktepba nung mezüngbuba jenjang nung takok angurji class 9 nung azünger Bonghau Phom liasü aser tanabuba aser tasembuba jenjang nung takok angurji Class 10 nung azünger Pajia Sultana aser class 10 nung azünger T. Chingmei Phom na liasü.
Otsüno tetoktepba tetendangerji Chief Judicial Magistrate aser Secretary LDLSA Tucano Vamuzo liasü. Takok angurtem nem senpet den certificates agütsü aser shilem agir ajak nema certificates agüja liasü.