Leadership Skills training tenzükogo

Kohima, August 01 (TYO): Administrative Training Institute, Nagaland, Kohima nung Engineer tem atema anogo ananü ‘Leadership Skills’ training tenzükogo, aser iba training nung shisalen sayurtemji IBIS Solutions, Management & Training Consultations Group, Kolkata nungi lir.
Iba training tetenzük sentong nung jembidang Additional Director (Training), L. Youdang Jamir-i shisalen sayurtem aser shilem agirtem pelaa agizükba den külemi Institute-i ayongzükba sentong ajanga tajangzük angutsü asoshi shilem agirtem ajungshi.
Deputy Chief Engineer, NPWD, Longzochang-ia iba sentong ayongzükba atema ATI dang pelaba lemsatep.
IBIS Solutions Administrative Head, Rajib Bal-i shilem agirtem dang iba course nung keta aliba onüktem lemsatepba den külemi, IBIS Solutions ya Northeast nung aliba ATI ajak den sendaktepa lir aser NEPCO ama PSUs dena sendaktepa lir, ta metetdaktsü.
Iba training ya State Training Policy nung aliba guidelines ama lir. Guidelines nung ashiba agi, department ajak nung Cadre Training Plans (CTP) alitsü nüngdaker.
Iba sentong nung coordinator ji Deputy Director, Er. N. Moa Longkumer lir aser iba training telemsa pezü nung agitsü: Engineers (1- 2 Aug, 2017), Doctors (4-5 Aug), NSS (7-8 Aug, 2017) aser Principals & Headmasters (10-11 Aug, 2017).