Lebanon: Kiralongrar 1, adianu 2 pokset

Beirut, December 05 (Agencies): Islamist kiralongrar ta temulung malemi bilemba nisung 1aser par adianu 2 densema ajak agi nisung 3 tashi Lebanon anüdoklentip tsütsülen tanü Honibar nü pokseta asüba osang ka Lebanon sorkar ketdangsertemi metetdaktsüogo.
Tripoli yimtiba northeast tsütsülen tentetba Deir Ammar jila nung Lebanon mitkartemi mitsü mapatong inyakba osang angazüka, Mohammed Hamzeh pasasa pokseta asü aser iba pokshiba lendong nung tetsü aser pa kinüngtsü na pokset ta ketdangsertemi ashi.
Iba pokshiba lendong nung mitkar züngsem 4 densema ishiba agi nisung 10 yiruba osanga jangjaogo ta parnoki shisem.
Lebanon kübok Beirut yimti nung Islamic State (IS) kiralongrar teloki pokshiba lendong 2 tashi atalokdakja nisung 44 shi pokseta südaktsüba sülen Lebanon police aser mitkartemi tanü amala telungpur o kiralongrar mita parnok aputsü mapatong kanga sashia tenzüka lir.