LeBron James-i Washington semdangba mapang Trump aitsü

December 18, 2017 (Agencies): LeBron James-i Deobarnü Washington nung asayaba mapang Donald Trump dang maneni mepelaba United States tir tenüng mamshi dang sayuogo.
Cleveland Cavaliers aser Washington Wizards na NBA game national yimtiba nung asayadang James-i tsüngsem ka tanak aser ka temesüng ta semer ia asaya.
Tsüngsem anaprongla nung ya “EQUALITY” ta capital letters agi ajenoka semer pai asaya, aser iba ajanga pai shinüba osang agütsüogo.
“Asenok ajaki asenok kechi tia nung lir aji meteta lir aser, temaba menden nunga shirnok lir ajia meteta lir,” ta pezüben tashi NBA most valuable player angusangi yagi asaya tembangba sülen osangbenertem dang ashi.
James-i aiben Trump anema jembia aruogo aser 2016 Tir election mapang nunga pai Democratic candidate Hillary Clinton pusema liasü.
Pai Trump Tir mendeni tur ita 13 tsüngda aiben pa aija aruogo. Pai ashiba agi, Tir-i tanurtemi parnok lenir nungi tajungshiba aser len sayutsü imlar ta mangateter.
Asaya tembangba sülen James-i ashiba agi, “Na linük koba nungi sütir süaka iba ya kanga dang tebor tajung lima ka lir aser asenoki asenok tashi aser tebor ajung ya nisung ka nem manishidaktsütsü,” ta pai ashi.