LED shilem 100 aliba 1buba rejuji Kohima Science College kümogo

Kohima, April 08 (TYO): Alumni Association, Kohima Science College, Jotsoma-i parnok tamalen azüngba college ji “Energy Efficient Institution” kümdaktsütsü nükjidong nung electric bulbs 2,000 aser tubes 500, LED bulbs aser tubes agi melentsüogo.
Iba maparen ajanga Kohima nung College Campus, Hostels aser Staff Quarters ajak nung LED light 100 shilem aliba mezüngbuba College kümogo.
Iba alizüng ya “UJALA- Energy Efficient Kohima” kübok tongtet aser iba ya District Administration Kohima den PSU of Ministry of Power, Govt of India company, Energy Efficient Service Ltd. (EESL) na partnership nung inyakba maparen ka liasü.
Iba dak sentakba nung April 07, 2017 nü Deputy Commissioner, Kohima, Rajesh Soundararajan (IAS)-i college nem certificate ka agutsüogo.