Lee Chong-i 11 buba Badminton Malaysia Open nung takok nguogo

Kuala Lumpur, April 10 (Agencies) : 11buba Badminton Malaysia open title filnal asaya nung Malaysia nunger Lee Chong Wei-i China nunger world no.1 Chen Long madak set ana atonga atonga koka takok nguogo.
Lee-i mezüng set nung Chen den 2-2 lia atonga atonga point trok tashi nguyonga atuba ajanga pa sapur Malaysia nunger temulung pungba kümdaktsü. Taoba mapang takok ngua alisang Chen-i imlaba ama masayatet aser ibaji ajanga Lee-i minute 42 nung iba asaya 21-13 aser 21-8 agi akok.
Lee-i, “Ni tetsüngda paikati lia akoktsü mamang,” ta ashi, ajisüaka Chen-ibo tanabuba jenjang angubaji teperi amai sayu.
Chen-i, “Ni iba asayamung ajanga Olympic Games-i itettsüsa points ngutetogo,” ta ashi.
Iba asayamung nung China-i takok ka dang angu aser ibaji tetsür nisung anana sür asayaba nung Tang Yuanting o Yu Yang nati South Korea nungi Jung Kyung Eun o Shin Seung Chan na madak  21-11, 21-17 agi takok anguba lir.
Ano tebor nisung anana sür asayaba tarensen nung China nunger Chai Biao aser Hong Wei nati South Korea nunger Kim Gi Jung aser Kim Sa Rang na makok. Iba asaya nung South Korea nungeri 19-21, 15-21 agi China nunger madak takok angu.
Tetsür kija asayaba tatemsa buba asaya nung Thailand nungi Ratchanok Intanon-i Chinese Taipei nungi Tai Tzu Ying madak 21-14, 21-15 agi takok angu.
Tetsür aser tebur meyokteper asayaba nung Indonesia nungi Tontowi Ahmad/Liliyana Natsir nati Malaysia nunger Chan Peng Soon/Goh Liu Ying na madak 23-21, 13-21, 21-16 agi takok angu.