Lee Chong Wei Indonesia Open final-i iogo

Jakarta, June 04 (Agencies): Malaysia nunger badminton asayar mongin, Lee Chong Wei-i semifinal asaya koka, tang tasaydak Indoneisa Open Superseries badminton asayamong tebur singles final asayatsü jenjang tanü, Honibar nü ajangzükogo.
Taoba mapang Indonesia Open champion akümtsü jenjang 5 ben tashi ajangzüksang, Lee-i tanü minute 39 shi nung points 21-9, 21-18 ngua Indonesia nunger Ihsan Maulana Mustofa semifinal asaya nung tsükdaktsü.
Taoba World No. 1, Lee-i Denmark nunger Jan Jornensen den final asüng, Deobar nü asayatsü.
Jornensen-ia tanü  points 21-14, 18-21, 21-17 ngua China nunger Tian Houwei tanabuba semifinal asaya nung tsükdaktsü.
Ano külen, China tsür, Yihan Wang-i Chinese Taipei tsür, Tai Tzu Ying den tetsür final asayatsü jenjang nguogo.