Legal Metrology & Consumer Protection Department nung ochimashiba kar

Legal Metrology & Consumer Protection Department nung onoki RTI ka 01/02/19 nung asüngdang iba RTI telangzüba nung temulung masüba agi First Appeal zülua RTI telangzüba NO.CLMCP/RTI(ENF)-36/2016/735 nungi tim masüba maparen ta bilembatem tsünglanglen kar agütsür;
1. School 100 nung Consumer Club tenzüktsü asoshi 2011, March 7 nü sen lakh 10 agizük, saka school 35 nem merijang terter agütsür tanüngba senji kong amshi mesayutet.
2. Küm 2012 June 6 nü Thermometer Verification Kit 5 ali, ajisüaka 2 dang Department-i sayutet.
3. Calibration Tower 2 yanglutsü asoshi Ashlin Enterprises telok Pune nungi parnok nem sen 26,92,300 (lakh metsür trok merijang tokur ana sür noklang asem) agütsü, ajisüaka Dimapur nung ka yanglur Kohima nungbo meyanglui 2012 küm May 10 nü sen ajak agütsür yok.
4. Coin Operated Person Weighing Machine 85 asoshi sen lakh 20 agi 29/09/11 nung alir alem saka Beneficiary list maka, kasa iba machine 12/04/12 anogo nunga sen lakh 20 agi aliba sayua lir, saka yangji temulung malemtsüsa lir, kechiyong mezüng aliba received copy scan sür anaben ali ama yangluba dang mesüka reprangteter.
Tekalen shia alibatem ya Auditor temi junga audit magi ta puteter, tarutsü nung yamala mesükba ngushira auditors anema keno benoktsü. Tekalen shia alibatem ya ozüng amshirtemi (Lokayukda, Police) pei sasa keno (suo motu case) mebenoktsü mepishir, kechiyong onoki nüngdak süra tapet telok nem bushisüngdangtsü asoshi agütsütsü. Ajisüaka iba osang sangdongba nungi anogo 30 tsüngda aibelenertemi metongshia inyakshira onok asoshibo ibaji keno tatem alitsü.
Sd/- Odi Jamir                         Address for future correspondence
9862336389/908969800     RTI Initiative Nagaland
House No. LA 734, Block-C
Sd/- S. T. Yapang Lkr             Lower Agri Colony
9612800973/9856714829    Kohima 797001, Nagaland.