Lendong agi kongshiba state, Assam nem sen cr. 269 lemzüktsü

Guwahati, March 24 (Agencies): Brihostibarnü New Delhi nung Union Home Minister, Rajnath Singh menden ser temaba jenjang nung committee senden ka amendang alima lendong balala agi kongshiba state 10 nem Centre sorkari sen crore 5,021 teyari agütsütsü agizükogo.
Alima lendong balaa agi kongshiba state tem rongnung Andhra Pradesh-i sen crore 584.21 angutsü, Assam-i sen crore 269.40, Bihar-i sen crore 822.96, Himachal Pradesh-i sen crore 152.28, Karnataka-i sen crore 171.69, Manipur-i sen crore 19.11, Rajasthan-i sen crore 370.27, Tamil Nadu-i sen crore 2014.45, Telangana-i sen crore 314.22 aser Uttar Pradesh-i sen crore 303.05 teyari angutsü.
State tem, nem teyari agutsüba sen nungji National Disaster Response Fund nung sen croe 4,979.97 aser National Rural Drinking Water Programme nungi sen crore 40.67 lir.
“Tzümetsüng, anentsüh, yipru aser kharif mongpu mapang tzü agi anüngba state 10 Inter-Ministerial Central Team-i semdanga liasü, aser parnoki agütsüba osangji committee-i asadanga liasü,” ta sorkari sangdong ka ajanga ashi.
Iba committee senden nung Agriculture & Farmers Welfare Union Minister, Radha Mohan Singh, Union Home Secretary, Rajiv Mehrishi aser NITI Aayog nungi tongti ketdangsertem, Home agriculture aser finance ministry nungi ketdangsertema dena liasü.