Lengrijan nung Tsüngremmong amonger

Dimapur, July 28 (TYO) : Dimapur nung taküm 2015 küm Tsüngremmong benjong amongtsü asoshi Hornbill Cultural Club-i ayongzüka lir. Iba benjongmong sentong ya August ka nü anepdang 9:00 ako nungi Imrong mepu, Lengrijan nung alitsü.
Iba benjong sentong nung tetsübu tebou mapang atalokba otsütem nungi kentem agiteta atenba aser yartsüngsangba mapang alitsü.
Iba sentong nung Tsüngremmong salem Wb.A.Bendang Jamiri ashitsü aser Lengrijan Village Council, mendenbuba Wb. N.Meren Imcheni tepela aser tajungshi o jembitsü aser “Akhidang Tsüngrem aser tang Tsüngrem,” onük nung sannüker Rev.Lima Jamiri jembitsü.
Iba benjongmong sentong nung Hornbill Cultural Club nung tejen aser tasen züngsem ajak arua adentsü ayongzüker ta Club mendenbuba aser Advisor Wb.A.Bendang Jamiri metetdaktsüogo.