Lengrijan Village Council (LVC)-i kilentzü aodak nembang

Bodbarnü Lengrijan Village Council züngsemtemi Immanuel College, Lengrijan anasa kilentzü aodak concrete slab enoka aoba mapa reprangdang agiba noksa angur.
Bodbarnü Lengrijan Village Council züngsemtemi Immanuel College, Lengrijan anasa kilentzü aodak concrete slab enoka aoba mapa reprangdang agiba noksa angur.

Dimapur, October 7 (TYO) : Lokti yaritsü atema inyakba mapa nung Lengrijan Village Council (LVC)-i par telongtet nung kilentzü aodak tasazük feet 2500 nung concrete slab agi nembangogo.
LVC-i kilentzü aodak lapoka aliba nembangba ajanga ano senzüsenbongertem atema footpath ka adokogo.
June 2015 nung mendenpur tasentemi mapa benzükba sülen drainage slab yanglutsü sentong atong aser September ita tatemlen nungi mapa tenzük. Temulungertemi tenla agütsüba aser kilen saru ajanga iba mapa inyak, ta LVC Chairman, N Meren Imchen-i osangbener dang ashi.
Tang kilentzü aodak yangluba nung Immanuel College nungi “Y” junction tashi feet 1500 aser ano Tuesday bazaar tesem nung feet 1000 den timba yangluogo.
Iba mapa nung state sorkar mesüra tanga telok nungi teyari kecha mangu aser senotsü timtem aliba ajanga ano kilentzü aodak feet 2000 den timba menembangteti lir. Anungji bangdakpurtemi iba mapa tembanga inyaktsü atema teyari agütsütsü mepishir, ta Lengrijang Village Council-i metetdaktsü.

You must be logged in to post a comment Login