Lenien-i AITA Championship Series takok marok agizüker

Dimapur, April 23 (TYO): India kübok Assam telok tenüng nung tennis asayar, Lenien Jamir-i final asaya koka Delhi yimtiba nung ayonga asayaba All India Tennis Association (AITA) Ranking Championship Series-7 asayaong takok marok agizükogo.
Lenien-i mezüngbuba set nung points 4-6 ngua tamakok ajuru saka lai tanüngba set ana nung points 6-1,6-1 agi takok ngua kanga junga asayaba yong lai Jaipur asayar, Renee Singh madak final asaya koka takok marokji agizük.
Lenien-i points 6-1, 6-1 agi Delhi asayar, Shraddha Chabbra quarterfinal asaya nung tsükdaktsüba sülen maneni points 7-6(7-0),6-2 agi Mumbai asayar, Sana Khanna madak semifinal asaya koka, final nung shilem agitsü jenjang ngua liasü.
Haryana kübok Karnal nung taoba hopta ayonga asayaba Under-18 Championship Series asayamong nunga Lenein-i külem Assam asayar, Riana Zaffar den lungjemer tanabuba jenjang anguba osang jangjaogo.