Lenjeter Magazine-i scholarship agütsütsü

Dimapur, March 31 (TYO) : Lenjeter Magazine October ita 2015 nungi tenzüka ita shia adoker. Asen tetsü oshioben renlokdaktsütsübaji magazine nükjidong aika rongnung ka lir. Iba nükjidong nungji amendaker 2016-17 Academic year atema Scholarship kaketshir pungu nem agütsütsü sangdonger. Item rongnung pezü Ao oshi bushirtem (school aser College) nungi aser kaji Naga nunger kin rongnungi shimer. Iba ajanga Ao oshi den kasa danga kina ajungmesor.
Lenjeter Scholarship nisung pungu nem küm ka atema ita shia sen Rs. 500/- agütsütsü. 2016-17 küm atema Scholarship telemsa yamai:
a.    Class X (ter) Scholarship atema nisung ana: Class X nung Aortem shibasa  Ao subject agir parnoki apply sütettsü.
b.    Class X (ter) Scholarship atema nisung ka:  Class X nung Aor masüba (Non-Aos) shibasa Ao subject agir parnoki apply sütettsü.
c.    B.A  (Ao) 3rd and 4th Semester scholarship atema nisung ka; tang shirnok Fazl Ali College nung 2nd Semester exam agütsütsü lir aser 3rd & 4th Semester nung Ao agitsü tejangraba lir parnoki apply sütettsü.
d.    B.A (Tenyidie) 3rd and 4th semester scholarship ka: 2nd semester exam nung shirnok Tenyidie agütsütsü lir parnoki apply sütettsü.
Lenjeter Magazine April adok nung application form aser temetettsütem tejangjaba nung angutsü.