Lenovo-i India nung Yoga 900 Laptop aser Tab 3 Pro Android Tablet na sayaogo

February 8, 2016 : Hombarnü New Delhi nung osangbenertem sentong ka akaba mapang Lenovo-i India nung Yoga 900 Convertible Laptop aser Tab 3 Pro Android Tablet na sayaogo.
Iba tashi tait laptop nung Intel 6th generation Skylake processor enokja lir aser sen 1,22,090 agi ayoktsü. Yoga 900 Tab 3 Pro Android tablet-a sen 39,990 agi ayoktsü lateta lir.
Lenovo Yoga 900 ya par company indang Yoga 900 tejenba melena adokba lir aser temelenshi tasen aika achiteter. Iba laptop tasenba ajanga Windows agi amshiba kanga dang tashi tait Surface Book aser Surface Pro 4 laptop den tokteptettsü.
Iba laptop nung 13.3-inch display den screen resolution 3200×1800 pixels keta lir. Telung nung 6th-generation Intel Core i7-6500U processor den 16GB RAM aser 512GB SSD enokja lir.
Lenovo Yoga 900 nung ya 66Whr battery, USB 3.0 port ana, USB Type-C port ka, headphone jack ka aser SD card reader ka ta ketja lir. Iba den külemi iba laptop nung Windows 10 Home, operating system enokja lir.
Lenovo Yoga 900 ya Champagne Gold sentsü nung Croma retail stores aser online nung Lenovo indang official brand store ajanga temalen shia aliba jenjang agi talitsü angutsü
Yoga Tab 3 Pro ya yaküm IFA trade show mapang alima rangben atema saya aser tang India nunga talitsü angutsü.
Yoga Tab 3 Pro nung 10.1-inch QHD+ display (2560×1600 pixels), Intel Atom X5-Z85000 quad-core SoC aser 2GB RAM enokja lir.
Iba den külemi tablet telung nung memory 32GB keta lir aser ibaji microSD card amshia 128GB tashi ulua kümtettsü.
Iba tablet tesülen 13-megapixel aser tejaklen 5-megapixel camera enokja lir, 10200mAh battery ajanga tashi agütsür aser Android 5.1 ajanga amshir.
Yoga Tab 3 Pro ya Flipkart ajanga alitettsü.