New Delhi, September 22 (Agencies): Sen talang indang smartphone ishika yangluba sülen Lenovo-i camera dak rangloker, sen 25,499 alang Vibe Shot smartphone ka India nung sayaogo. Iba smartphone tejaklen 8MP aser tesülen 16MP camera enokja lir.
September 22 nü nikongdang 6:00 ako nungi iba phone ya Lenovo indang, e-commerce site, TheDoStore.com ajanga jilia mangatettsü aser hopta ana sülen dokan nunga talitsü angutsü, ta company sangdong ka ajanga metetdaktsüogo.
Kasa jenjang agi anguba OnePlus 2, Asus Zenfone 2 Deluxe, Samsung Galaxy A7 aser Sony Xperia C5 Ultra smartphone tem den Lenovo Vibe Shot yagi tokteptsü.
Lenovo meyong Motorola-ia camera dak rangloker, sen 18,499 alang Moto X Play smartphone ka India nung sayaogo.
Lenovo Vibe Shot tereprangtsüji camera tila mesüker. Iba phone nung aliba 5-inch full-HD (1080x1920p) IPS display screen nung raksaba nungi kümzüktsü asoshi Gorilla Glass enokja lir.
Tesülen aliba 16MP camera nung 16:9 BSI sensor aser ‘tricolour flash’ den Optical Image Stabilization keta lir. Camera nung infrared focus sensor keta aliba ajanga tanga autofocus dang nungi anasü agi tekaraba amshiteter, ta company-i ashi.
Phone ajanga 1080p video-a tangokteter aser tejaklen 8MP camera ji selfie agitsü atema atakteta enoktsüba lir.
Lenovo Vibe Shot nung 1.7GHz Qualcomm Snapdragon 615 octa-core processor den 3GB RAM aser 32GB memory enokja lir. Saka memory card enoktsübo kecha mali.
Iba phone nung 4G LTE, 3G, Wi-Fi aser Bluetooth 4.1 LE amshitettsü. Phone indang operating system Android 5.1 Lollipop nung Lenovo indang Vibe UI lokteper enoka lir.
Phone rangben nem 2,900mAh battery ajanga tashi agütsür.
You must be logged in to post a comment Login