Leon Challenger:Paes aser Adi nati takok marok angu

April 2 (Agencies) : India nungi mongin tennis asayar Leander Paes-i Adil Shamasdin den lokteper Leon Challenger takok marok nguogo.
Deobarnü Leon Challenger asayamung tebur tarep final asaya nung Leander Paes aser Canada nunger Adil Shamasdin nati Switzerland nunger Luca Margaroli aser Brazil nunger Caro Zampieri na madak 6-1, 6-4 agi takok ngua sen dollar 75,000 senpet angu.
Ibai India nunger Paes asoshi 2017 küm atema mezüng takok lir.
Taküm küm iba jakdang ya Paes-i tanga asayamung kecha nunga final asaya metongdang liasü. Taküm pai Dubai Championship aser Delray Beach na nung semi-final tashi atongbaji tajungba liasü.
Iba takok anguba ajanga pai tan agi küm 26 buba küm shia atonga takok kakabosa angur kümogo. Ibai pa asoshi ATP title 20buba lir.
Paes-i tatemsa buba ATP World Tour takok angubaji 2015 küm liasü. Iba kümji Auckland nung South Africa nunger Raven Klaasen tena senteper takok angu.
Tan semi-final asaya nung world no 3, Paes aser Shamasdin nati Australia nunger tarep asayar Luke Saville aser John-Patrick Smith na madak 6-7 (1) 6-4 10-5 agi takok ngua final jenjang tongtet.
Paes-i tesüsabuba Grand Slam asaya nung shilem agibaji 2013 küm Radek Stepanek tena senteper US Open nung asayaba liasü aser 2015 küm tetsür tebur temeyoktep tarep asaya nung Martina Hingis dena senteper title asem den 2016 küm French open-a bena liasü