Leonardo DiCaprio den mesüktepsang

New Delhi, November 03 (Agencies): Swedish nunger bartender, Konrad Annerud-i actor Leonardo DiCaprio den kanga mesükteper aser iba jagi pa Instagram nung kanga nüngtugu kümogo.

Arishi küm 21 tain Konrad-i Leonardo lanuwa mapang mesükba ajanga pa Internet nung kanga nüngtugu süa tetshir. Instagram nung pa sülen anidaker 1,90,000 shi jungogo aser ano maneni anidakdar.

“Taküm meiwa mapang ni Italy-i aodang nisungtemi ni angudang ‘Leo’ ta asaden aser iba jagi ni kü kou ongdoknüa bilem. Nisung aika adenshia asaprangtepba aser kü den noksa agitsü raktepbaji ni magizüktet,” ta Konrad-i Independent den sensaksemdang ashi.

Annerud ya Sweden nung Bartender inyaker aser paisa Swedish news site nyheter24.set den jembidang ashiba agi, “Ni pa mesüker ta nisungtemi kü dang ashi. Talisa ni nightclub ka nung bartender inyakdang nisungtemi kü dang ibaji ashi. Pa den mesükteper ta jembibaji junger, kechiyong pa tobur tajung.”

Tang ya Leonardo India nung documentary ka yanglutsü atema arua lir aser Honibarnü pai tangar dang miima Agra nung Taj Mahal semdanga liasü.