Leonardo DiCaprio-i miima Taj Mahal semdang

Agra, November 2 (Agencies) : Honibar anepdang Hollywood actor Leonardo DiCaprio-i media aser tangar dang miima Taj Mahal semdang.

Leonardo tang India nung documentary ka nung shilem agitsü atema arua lir aser pai tangar nem majitetdaktsütsüsa sübor Taj Mahal semdang.

Tourist guide Ved Gautam-ibo Leonardo arubaji memetet ta ashi aser security guard temi ashiba agi foreign tourist kati ang Leonardo mezüng ajitet.

“Pa bangsemo ajanga tangari pa majitet, saka pa anepdang 9:00 ako meta nisungtem junga mesentepdang pa oadok” ta security guard temi ashi.

Archaeological Survey of India osang ajanga ashiba agi, Leonardo’er private guards-i pa anasa nisung shinga marudaktsü. Pa ajitetba tourist tem danga noksa magitsü ashi.

2013 küm Leonardo-i Bollywood actor Amitabh Bachchan den külemi ‘The Great Gatsby’ film nung shilem agi aser pai ghonda ana shi Taj Mahal repranga senzü ta osang ajangasa metetdaktsü.