Leonardo Dicaprio-i Oscar award angutsü: Eddie Redmayne

London, February 22 (Agencies): Leonardo DiCaprio-i atangji Best actor Oscar award angutsü aser angutsüla, ta actor Eddie Redmayne-i ashi.

Arishi küm 41 Leonardo-i tang tashi nungbo Oscar award ngua mali saka pai “The Revenant” film nung shilem kanga junga agitetba ajanga tan February 28 nü Los Angeles nung pai best actor award angutsü imlar.

Oscar award best actor atema pa den külemi shima alisang aser “The Danish Girl” film nung shilem agisang Eddie Redmayne-ia, iba award ya Leonardo-i angutsü tetemsü, ta shiogo.

“Atangji pai (Leonardo) takok angutsü aser angutsüla. Iba party nung jaokba atema dang asüyonga ni pelar,” ta Eddie-i ashi.

Taküm Oscar award Best Actor atema- Eddie Redmayne (movie- The Danish Girl), Leonardo DiCaprio (The Revenant), Bryan Cranston (Trumbo movie), Matt Damon (The Martian) aser Michael Fassbender (Steve Jobs) nunger shima lir.

Kasa award nung Best Actress atema Cate Blanchett (movie-Carol), Brie Larson (Room), Jennifer Lawrence (Joy) Charlotte Rampling (45 Years) aser Saoirse Ronan (Brooklyn) nunger shima lir.

88buba Academy Awards atema shima alirtem tarensen January 14, 2016 nü sangdonga liasü, aser February 28, 2016 nikongdang 5:30 ako nungi California, Hollywood, Dolby Theatre nung award agütsüba sentong tenzüktsü.