Leonardo-i ‘Once Upon A Time in Hollywood’ premiere nung aden

Washington, July 24 (Agencies): Tawa Hollywood actors Leonardo DiCaprio aser Brad Pitt na kati ka sangtepdar aser tawa Quentin Tarantino film `Once Upon A Time in Hollywood` premire nung tena tangokba noksa ka lemsatep.
Iba film nung DiCaprio-i Rick Dalton indang shilem aser Pitt-i Cliff Booth indang shilem agir. Film otsü ya 1960s mapang indang film ka lir.
Iba film premiere nung fans aikati film actors Margot Robbie aser Brad Pitt na den selfie agitsü maongka angu, iba dak alia tenati autographs aika sign sütsü. Ano külen Leonardo-ia pa indang fans den külemi noksa tangok. Leonardo-i ashiba agi, tawatanü modern technology aser social media tools atema pa tenüngsang agütsür, ajisüaka computer aser machines ajanga cinema jenjang raksatsür.
`Once Upon A Time in Hollywood` premire nung osangbenertem den jembidang Leonardo-i, “Tang streaming putu nung ajungbena nai anogoshia show ka indang episodes 8 reprangtettsü. Anungji kodang film tangokba indang movie ka indang jembidir, ibaji CGI maliba 1969 küm indang lir. Iba ama film yangluba putu tu joko asenoki mangutsü,” ta ashi.
Akhidang film tangokba yimya bilemteta Brad-ia, “Nisung kari ni aniok, ta ni mamangteter. Nü kü taküm nung movies meimer aser iba tiyongtsü ka nung ni adenba atema pelar,” ta ashi.
Actor anati `Once Upon A Time in Hollywood` film ajungkettsüba mapang nungi tena kati ka sangteper.
Leonardo-i “Pa (Pitt) ya actor ka dang masü saka kanga sempet aketba nisung ka lir, iba denji külemi pa den külemi inyaksemtsü atema melamelar. Iba film nung künaprong nüngdakbaji iba ya ajanga lir,” ta ashi. Iba film otsü nung Pitt kanga temsüa aniokogo, ta Leonardo-isa ashi.
Tan ita tetenzüklen Pitt-ia, pa maneni film nung DiCaprio den külemi inyakner, ta ashi. “Asenoki Jerry Lee Lewis, Dean Martin otsütem atema inyakogo. Ni Khristmas kensep ka atema inyakner,” ta pai ashi.
Upon a Time in Hollywood film ya India nung taküm August 9 nü sayatsü. Iba film sayaba sentong nung Leonardo DiCaprio aser Brad Pitt na dak alia Britney Spears aser Sam Asghari nata densema liasü.