Leonardo-i Pope Francis den ajurutep

Vatican City, January 28 (Agencies): Hollywood actor, Leonardo DiCaprio-i alima ajunga nung Roman Catholic tamangba yimsü benshir lenisang, Pope Francis den tanü, Brehostibar nü ajurutepba osang ka angazükogo.
“Leonardo-i ozü lenisang, Pope Francis den ajurutepa alima tsüngsang mopung balaka küma melenshiba den sentakba onük benoka liasü,” ta Vatican-ia osang jangjashitsü.
Leonardo-i tanü Francis den ajurutepdang Netherlands nunger Hieronymus Bosch-i 16 buba aso nung yangluba noksatem indang kaket ka France nem agütsü.
2016 Oscar sempet agütsütsü asoshi tenüng benoka alisang, arishi küm 41 tain Leonardo-i noksa kaket den külemi, teyari sen cheque ka Francis nem agütsüba osang jangjaogo.
Ajisüaka, teyari senji kwi agütsü iba osangbo tang tashi mejangjateti lir.
Francis-ia alima ajunga nung Roman Catholic bishop-tem dangi prokshiba shiti, encyclical ka Leonardo nem amoktsüba den külemi, pa atema sarasademtsütsü nangzüka liasü.