Leplalepshia chichiba kulisür ana

~  Süpongnungsang Longkümer, Darogapathar Dimapur.

Alima tejak leni aopa, kanga kara ainpa subalipa aser yimya yimbong terenlok angudang Tsüngrem tenüng asangtsü melena bei nüngsang pushitebpa, yimjung yanglur ama saka bei küboki anioktsü meranga,teyarir ama England nungri bussines company atema agreement yanglutang kin ajonga par küboki aniok ama tanü subalipa yamaji aopa ngua alar nungi nüchi, nüchi nungi alar akümpa kar lemsateper.
1- Tammang aser alar tiya nungi Tsüngrem, Yisu osang tajung nungi nüchi
2- Tanüla tamang nungi tasü tait
3- Tasü tait nungi nüchi dangi
4- Nüchi taküm nungi azükaru tangi
5- Azükaru nungi bei atema tang bilempa
6- Jurila takar akümtsü bilempa nungi tepila
7- Pilapa nungi tesendaktep raksapa
8- Raksapa nungi sensak tiya
8- Sensak tiya nungi tangar dak yimlapa
9- Tangar dak yimlapa nungi alu yima meranga inyakpa toktsüpa
10- Azümesen nungi tammang tiya. Tepang agi Christian saka temulungjang pa nungi pilapa, ochi sentokpa ajanga tangar küboki aipa tammang. Ochiba alanga tokaogo!
Yakob chirtem ochi mashi ajanga Ijepi alu, Joseb taremzük nung jangratema lidaktsü, Joseb memetetpa Farao kübok alar tiya nung ali,Parnok reshikangshi Tsüngremi ngua Mosa jatet, Mosa aser Aroni Farao yimli nung sayatenya terasem, Tsüngremi temerem tzüyim agi ali takong kümdakja anitetdang Ijep nokeinketertem ajak samadaktsü. Kanan matong tashi mi aser mepet tongshi agi anir arudang Moab lima nung Kibuba tenzüker Mosa asü.Saka tanü tashi Mosa leper maka. T kunem 34:5-Samuel kaket nungi tenzüka item otsü arudang Isreal chuba Ahabi 874- 853 PC Tsüngremi memulungpa ajak inyak 1 chu16:29-34 Elija kanga jashi 17:1 Elijai Ahab dang ashi Isreal Tsüngrem shipa ni tenzüker,pa taküm alinung kü oi memelarapang alima nung küm asem sür tesadang azüngtsü mesüra tzünglu marudaktsütsü ta shinpa atalok. Tsüngrem lenipa Isreal nungeri metetaka baal, aser süngyanglu külema aru.Yihuva Tsüngrema külemküm, Süngyanglua külemküm;saka kechipa Süngyanglu ang külemnü? jataputa shi jangratem liasü südi. Yisu alimai arupaji Isreal nunger atema aru kechaser Isrealji mezüng chir.Joko Yisui mapa jendi inyaka arudang pa sentsü melentsü mapang donga Mathi 17:3-4Mosa aser Elija parnok tsüngdangi atokdang Peteri semtu asem yangluti ta Yisu dang asüngdangpa angutsü. JA 11:1-6 Idangji ajok mesüker tasadangpa rangtong ka kü nem agütsü aser ashi aramesuang aser nai Tsüngrem tenlaki aser tenla sapangji asadangang,aser teklemertemji züngtangang.2-Tenla ki kima tezülen kilempokjipo tokjang, ajipo tasatang kechaser ajipo kintem nem agütsüogo,parnoki ita lir ana temeshi yimtiji tetsüng agi ajemshitsü ( Isreali Yisu tepsetpa aser süngyanglu külempa yong)3 Ni kü kulisür ana yoktsü, parnoki anem sü apener ,anogo meyika noklang ana sür roker shin o jempitsü.” Item ya alima kibuba madang nokdaka alipa oliv tozü süngdong ana aser milendong anaji lir (Mosa aser Elija ta laishiri ratettsür) 5 kari parnok kangshinüra,parnok tepang nungi mi adoka parnok anemertemji chimar; aser kari parnok kangshinüra pa yamaji tepsettsüla.(Elijai Karmel tenem nung mi tzünglu jazükpa aser kishon ayong nung baal temezünger 450 tepsetpa. Ano küm asem sür tesadang rishikangshi mapang Yirusalem ajemsar dak tanapen inyaktsü) 6 Parnoki shina jempiba anogo nung tzünglu marudaktsütsü asoshi anüng shibangtsü parnok dak ain lir(Elijai küm asem sür tesadang tzünglu marudaktsüpa). Aser kowepen parnoki tzü agi azü kümdaktsünütir, temerenshi wara ajak agi alima dak züknütir paipenji inyaktsü parnok dak ain lir.(Mosai ayongtemdak azükpa azü ama Ano inyaktsü) Yamaji tatempang küm asem sür tesadang Isreal merenshi tang Elija aser Mosa nati sayatenya inyaka mang ayangtsü. JA 11:3, 1 chuba 17:1 Parnok kija tang liaka alimai amjet.Tmapa 1:11Yisu shia arudang sü temesüng apenür nisung anati kuli agütsür. Galil nunger kechipa anünglen ajia nokdaker kechi koda atu yamaji tanepen pa arutsü.Ipaia tenasa ta karipo ashir.Tajungbur ten Tsüngrem tali tajungpa,tanüa Tsüngrem lar tajung aika lir, saka aküm metsüpur dak leblalepshia mang ayangtsü item tapu ajanga asenok nem angatetdaktsür.JA 11:17-19 ji züngra tali jangjatsü. Tsüngremi moajang.