LeT den sendaktepa aliba nisung ti apu

Srinagar, Rongjui/September 10 (Agencies): Eight Lashkar-e-Taiba (LeT) den sendaktepa aliba nisung ti Kashmir, Baramulla district kübok Sopore tesem nung puogo. Parnoki nüburtem amokmerentsü atema kiralongrartem tetuyuba nung posters lema liasü, ta police temi Mongolbarnü metetdaktsü.
“Sopore nung police-i kiralongrar den sendaktepa aliba nisung ti tashi puogo. Parnok ya posters lemja nüburtem amokmerenba atema apu,” ta police otongdar-i ashi.
Item Poster tem ya Kashmir tesem balala nung temai adokogo koba ajanga “civil curfew” osang aser nüburtem dang civil “disobedience” benoktsüba osang agütsür.
Pai ashiba agi, Sopore tesem nung item poster tem temai adokba sülen parnok ya apu.
Otongdari ashiba agi, ken o bushitsüngdangba sülen kiralongrar den sendaktepa aliba nisung ti; Aijaz Mir, Omar Mir, Tawseef Najar, Imitiyaz Najar, Omar Akbar, Faizan Latief, Danish Habib aser Showkat Ahmad Mir nunger iba aibelen nung densema aliba ngutet.
“Parnoki iba poster tem ya renema iba tesem nung prokshi. Osang ajanga angazükba agi, local kiralongrar Sajad Mir aser LeT den dena aliba Muddasir Pandith aser Asif Maqbool Bhat nungeri iba sentong yanglua iba tesem nung poster alem,” ta pai ashi.
Iba poster menüngba nung amshiba computer aser tanga osettem police temi puogo aser section tapet dak ajemdaker ken o benoka tang bushitsüngdangdar, ta paisa ashi.